Reunión para as familias con praza nos campamentos de verán

A concelleira de Benestar Social, Marián Sanmartín, anunciou que o mércores 28 de xuño ás 20.30 horas terá lugar no Museo Municipal Manuel Torres a reunión destinada ás familias para a organización dos campamentos de verán de
conciliación organizados polo Concello.

Poderán acudir pais e nais de todos os nenos e nenas que teñen praza en calquera das quincenas. Explicaráselles cal é o funcionamento destes campamentos de conciliación, todas as normas básicas e as necesidades dos nenos e nenas de cara ás actividades que se realizarán.