Diario Marín
Na mañá de onte, venres 25 de agosto, o concelleiro de Deportes, Antonio Traba, compartiu os detalles desta proposta xunto a representantes como Félix Torres e Javier Rodríguez do Club local, así como Pablo Prieto e Julio Mougan da Federación galega. Este ambicioso proxecto desenvolverase na nosa vila durante os próximos tres meses: setembro, outubro e novembro.
Neste período, todos os nenos e nenas menores de 16 anos en Marín terán a oportunidade de unirse ás sesións de adestramento para explorar as delicias do fútbol sala. A meta deste programa autonómico resíde na axuda ás familias galegas para conciliar as súas responsabilidades coa posibilidade de practicar deporte, todo iso nun ambiente que promove valores como a igualdade de oportunidades, fundamentais no contexto do deporte de base.
O Club La Peña encargase do seu desenrolo
Os representantes do Club La Peña explicaron que na vindeira semana proporcionarán máis detalles acerca dos horarios e das localizacións onde terán lugar estas emocionantes actividades. Tamén establecerán unha dirección de correo electrónico dedicada ás inscricións, co obxectivo de facer todo o proceso máis accesible e sinxelo.
Por outra banda, xa está en funcionamento un correo electrónico específico para quen desexe obter máis información sobre o programa: corresponsables@futsal.es. Esta é a canle perfecta para resolver calquera dúbida ou consulta relacionada coa iniciativa.
