Avelino Domínguez
O presidente da Xunta de Galicia, Alfonso Rueda, anunciou o xoves 31 de agosto a aplicación da intelixencia artificial (IA) na Administración educativa dixital para mellorar as decisións académicas, crear un historial académico único e establecer un portal de comunicación exclusivo para a comunidade educativa. Mediante o inovador proxecto EdugalIA, pioneiro en España, destacando a falta de solucións tecnolóxicas para desafíos específicos.
A Consellería de Cultura, Educación, FP e Universidades lanzará unha consulta de mercado a través da compra pública de innovación para atraer empresas tecnolóxicas interesadas. O proxecto EdugalIA planea un período de desenvolvemento e probas de 2024 a 2027, con posibles implementacións a partir de 2028. Ademais, o goberno galego busca financiamento no marco do Programa plurirrexional España Feder 2021-2027.
A Estratexia Edudixital 2030
Esta iniciativa está directamente relacionada coa Estratexia de educación dixital de Galicia, o Edudixital 2030, en particular cun dos seus principais obxectivos: a construción dun ecosistema educativo dixital altamente eficiente.
Nesta liña, a estratexia incorpora unha serie de accións impactantes, incluíndo avances na xestión da administración educativa dixital, coa implementación de sistemas de xestión e análise de datos para embasar decisións en información de calidade.
O proxecto EdugalIA será desenvolvido a través de tres áreas de actuación: a primeira centrada na gobernanza, a segunda na creación dun expediente académico único e a terceira na creación dun punto de contacto centralizado para a comunidade educativa.
Referencias
- https://www.edu.xunta.gal/portal/node/40803
- Imaxe de portada creada mediante IA dende https://ideogram.ai/
