Diario Marín
A cantante María do Ceo ofrecerá este venres 8 de setembro un concerto en Marín da man da Deputación de Pontevedra no marco das festas patronais en honor á Virxe do Porto. Por mor da chuvia, trasladase o concerto de María do Ceo ao escenario Multiusos do Mercado.
A actuación celebrarase dende as 21:00 horas forma parte do calendario de actuacións do programa “Musigal”, posto en marcha pola Deputación para contribuír á difusión e promoción da música galega e en galego nos concellos da provincia e, ademais, fomentar o uso e a normalización social da lingua.
Nada en Porto (Portugal) e afincada en Galicia, María do Ceo fai 25 anos de carreira musical neste 2023. Ao longo destes anos, a súa extensa traxectoria acumula 17 discos no mercado. O máis recente foi publicado este mesmo ano baixo o título ‘Galicia nai’, un traballo comprometido coa lingua galega e coa violencia de xénero.
Poesías de autores galegos
Deste xeito, no concerto que ofrecerá en Marín, a cantante interpreta poesías de autores galegos
como Rosalía de Castro, Xosé Neira Vilas, Armando González, Carvalho Calero, Xosé
Velo, Manuel María ou Ramón Cabanillas acompañada dunha banda de catro músicos.
