Avelino Domínguez
A Deputación de Pontevedra, a través de SmartPeme, presenta catro novas oportunidades formativas para a próxima semana dentro da súa oferta de obradoiros. Estes cursos centraranse en temas como a ciberseguridade e o uso de VPN, a análise de datos para o desenvolvemento empresarial, así como a aplicación da intelixencia artificial para mellorar e crear imaxes impactantes. Para acceder a estas accións e necesario subscribirse a través dun formario que se atopa na páxina web de SmartPeme.
O luns 16 de outubro, ás 10:30 horas, celebrarase o curso “Ciberseguridade, Uso de VPN”. Este curso, impartido polo experto universitario en robótica, programación e impresión 3D Manuel Freire, ten como obxectivo promover o uso da VPN aportando información sobre as súas vantaxes e funcionamento. Durante a sesión en liña explorarase o seu uso, presentaranse opcións gratuítas e explicarase como configuralo.
Optimizar SEO, SEM
O martes 17, de 12:00 a 13:00 horas, celebrarase o obradoiro “Data Driven Marketing, mellora o teu negocio en base aos datos”. Nesta sesión, os participantes aprenderán sobre a importancia da análise dixital e como optimizar o SEO, SEM, redes sociais, deseño e redacción utilizando datos para impulsar os seus negocios. O obradoiro estará dirixido por Esther Garcinuño, docente con experiencia en deseño, desenvolvemento e xestión de proxectos web.
Para o mércores 18, de 12:00 a 13:00 horas, está programado o obradoiro de intelixencia artificial: «A IA da imaxe, mellora o seu uso«. Lara Taboada, licenciada en Educación Artística en Deseño Gráfico e con experiencia en fotografía de produto e composición fotográfica creativa, será a encargada de impartilo.
Os adestramentos desta semana concluirán o xoves día 19 coa cuarta sesión online sobre intelixencia artificial: «ChatGPT e Stable Diffusion, aprende o seu funcionamento – IV», que terá lugar de 12:00 a 13:00 horas. Esta sesión marcará o inicio do bloque de contidos sobre Stable Diffusion.
