Diario Marín
O encanto dos Reis Magos despregarase o 5 de xaneiro polas rúas de Marín coa Gran Cabalgata Real, no que participarán máis de 200 nenos e nenas, repartidos en cinco carrozas que percorrerán a vila.
Nesta ocasión, as Súas Maxestades comparecerán no balcón da Casa do Concello ás 18.00 horas para saudar a toda a veciñanza. Dende alí, acompañados da alcaldesa, María Ramallo, dirixiranse ata os vehículos oficiais que os levarán ata Nodosa, onde subirán ás carrozas para dar comezo ao Desfile, previsto para comezar sobre as 18.20 horas.
Unha vez rematado o percorrido, o acto concluirá no Templo Novo do Parque Eguren, onde a Asociación Os da Caña levará a cabo a representación do Belén Vivente. Este colectivo tivo a honra de inaugurar este ano o Nadal coa impresionante iluminación de luces.
En caso de choiva, cancelaranse as hípicas, aínda que se reducirán as actividades. A carón do Belén Vivente terá lugar a Recepción dos Reis Magos.
Programación completa do día 5 de xaneiro
- 12.00h. ANIMACIÓN INFANTIL. Alameda.
- 16.30h. FESTIVAL DE REIS en Ardán. Casa de Cultura de Carballido-Ardán.
- 18.00h. As Súas Maxestades saudarán desde o balcón do Concello.
- 18.20h. GRAN CABALGATA DE REIS. Percorrido habitual. Ao rematar, BELÉN VIVINTE, organizado pola Asociación Os da Caña e o Concello de Marín. Igrexa Nova.
- 20.00h. SORTEO da Feira de Artesanía de Nadal. Alameda.
