A inauguración terá lugar o xoves 28 ao mediodía coa apertura da carpa de exposicións sobre a cultura mariñeira, acompañada pola Escola de Música Tradicional de Poio. Esa mesma xornada ofreceranse propostas para todos os públicos, desde espectáculos infantís como “Os Piñeiriños” ata concertos da Ocaband e da Orquestra América.
O venres 29 destaca o vermut mariñeiro con La MMarca e a música de grupos como Son das Corbaceiras, Adelaida ou Os Chispas do Lérez. A xornada culminará cun concerto de Miss Caffeina e sesións de Dj Jorge Álvarez. Paralelamente, iniciarase o encontro de embarcacións tradicionais coa recepción e navegación libre das mesmas.
XXIV Regata da Pamplina e IV proba puntuable da Copa Morling
O sábado 30 será un dos días máis intensos, con pasabares, regatas a remo e a XXIV Regata da Pamplina, ademais da IV proba puntuable da Copa Morling. Na parte musical, soarán Dj Arroww, Natalia e Coti, acompañados de actividades para a cativada e un vermut mariñeiro con Víctor Manuel Movilla.
O domingo 31 poñerase o broche final coa navegación a Tambo, un roteiro guiado en Tambo para tripulacións, e a despedida das embarcacións. Non faltarán o vermut mariñeiro con Miguel Barroso Cerqueira e espectáculos para nenos e nenas.
Durante todos os días, a carpa da cultura mariñeira ofrecerá unha exposición fotográfica e un ciclo de cine sobre o mar, reforzando así o vínculo de Combarro coa súa tradición mariñeira.
