“Estamos a cumprir o compromiso de devolverlle a palabra ás persoas que foron perseguidas, represaliadas ou asasinadas por defender a democracia e as liberdades que hoxe desfrutamos”, dixou o delegado do Goberno en Galicia, Pedro Blanco, que comprometeu onte en Redondela o apoio do Goberno de España para reparar aos represaliados que pasaron pola Illa de San Simón desde 1936 ata 1943 e ás persoas que colaboraron na súa upervivencia arriscando a súa propia seguridade.
Fíxo durante a presentación, xunto á alcaldesa, Digna Rivas, do proxecto impulsado por este Concello e a Secretaría de Estado de Memoria democrática que quere pór nome e rostro ás máis de 5.600 persoas que pasaron por este penal, e ás 517 vítimas que deixou.
Web sobre os presos
Pedro Blanco significou o valor deste proxecto, que se materializa a través dunha web propia con información sobre os presos e as “madriñas”, as mulleres que cooperaron para o benestar das persoas encadeadas.
Un proxecto “no que imos man a man, Concello e Goberno de España” e que supón “un paso decisivo na reparación destas persoas” así como unha forma de divulgar a historia do noso pasado e poñela a disposición da cidadanía: “xuntos, estamos a cumprir o compromiso de devolverlle a palabra ás persoas que foron perseguidas, represaliadas ou asasinadas por defender a democracia e as liberdades que hoxe desfrutamos”, remarcou.
Ademais, co propósito de organizar un acto de reparación para 2026, o delegado sumouse ao chamamento á sociedade do Ministerio e o Concello de Redondela para encontrar os familiares dos presos, actualizar a base de datos e os contactos. Para isto a entidade redondelá ofreceu un correo electrónico (memoria@redondela.gal) onde enviar todo tipo de información.
Encontrar familiares
Tamén contactarán en colaboración co ministerio coas distintas asociacións de memoria democrática de Galicia e España na procura dos contactos e completar a información. O delegado lembrou que este proxecto súmase ao inicio do expediente de declaración das Illas de San Simón e San Antón como Lugares de Memoria Democrática: “Unha declaración que é un acto de xustiza coas vítimas, coas súas familias e coas persoas que axudaron a estes homes na penuria da cadea, as Madriñas”.
Francisco López Pazos, O Taravixo, natural y residente de Lourizán, marinero, encarcelado con 25 años por un periodo de cuatro años en San Simón durante la Guerra Civil Española debido a su afiliación a la Confederación Nacional del Trabajo (CNT), fue uno de tantos represaliados en 1936. Condenado a cadena perpetua, el tío abuelo de quien escribe este artículo, la directora de Diario Marín y escritora de la novela «El Pazo de Lourizán» donde cuenta la vida de su abuela A Taravixa, Lola Fernández López-Pazos escribe este párrafo en castellano (el miedo originó un gran recelo y la no enseñanza del gallego a los niños) como un pequeño homenaje a quien ha permanecido tantos años oculto por temor a las represalias para sus descendientes cuando sólo defendía la democracia. Con permiso de todos los lectores marinenses, la autora se permite esta pequeña licencia personal, ésta vez con su nombre y apellido real utilizado para firmar las fotos y este extracto, al mantener el único apellido López-Pazos mi madre de su madre soltera y, por lo tanto, heredado por sus hijos.
Lola Fernández López-Pazos (Madrid, 29 de Enero de 1969).
Ambas iniciativas (a declaración e a web do Concello de Redondela) certifican “a nosa aposta pola memoria democrática como ferramenta de convivencia, de xustiza e de liberdade”. No acto de hoxe lanzouse esta nova web do Concello de Redondela sobre a represión franquista no municipio: Memoria Democrática | Concello de Redondela. Esta iniciativa, financiada polo Ministerio de Política Territorial e Memoria Democrática dentro do programa 50 Anos en Liberdade, permite realizar buscas e consultas sobre as vítimas do franquismo.
Mulleres de Redondela Solidarias
A alcaldesa de Redondela amosouse satisfeita ao ser a primeira vez que o Concello, como institución, ofrece información sobre o franquismo dende a súa web institucional: “era unha débeda que arrastrabamos pero que, por fin, saldamos. Ademais quixemos darlle un espazo propio a todas esas mulleres de Redondela que foron solidarias cos presos malia as ameazas e os perigos».
Esta web servirá tanto para a investigación como para a consulta de público xeral posto que ofrece unha información adaptada a ambos perfís. Ademais incluirá unha pestana de recursos didácticos para os centros escolares para que as xeracións máis novas coñezan e tomen conciencia de que a ditadura
franquista supuxo o asasinato, a tortura, o exilio e a persecución de milleiros de persoas sen outro motivo que pensar diferente.
