Con formato de cea de gala, o Concello de Pontevedra e a Asociación de Informadores Cinematográficos de España (AICE) celebrarán o vindeiro 24 de xaneiro os Premios Feroz no Recinto Feiral de Pontevedra. O balance do impacto dos Premios Feroz 2025 na cidade, un evento que consolidou a Pontevedra como referente cultural, achegou 33,5 millons de euros.
Este balance reflicte a repercusión sobresaliente de Pontevedra e os Feroz, destacando a cidade como destino de referencia para eventos culturais de alcance estatal e internacional e subliñando a importancia dos premios na industria audiovisual española.
As actividades previas á cerimonia incluíron 17 proxeccións de películas e series, 4 clases maxistrais, 1 mesa redonda e visitas de 32 cineastas e expertos, cunha asistencia media do 90%
2.120.000 espectadores
A cerimonia, retransmitida por primeira vez en La 2 e RTVE Play, seguírona 2.120.000 espectadores únicos, con 327.000 de audiencia media e un 3,11% de cota de pantalla. O programa especial da Alfombra Vermella en YouTube sumou máis de 27.000 espectadores.
Nos medios de comunicación publicáronse máis de 1.800 informacións, alcanzando unha audiencia acumulada superior a 5.000 millóns de persoas. Nas redes sociais rexistráronse máis de 3.600 mencións, chegando a máis de 15 millóns de usuarios.
Na gala acreditáronse 171 xornalistas de 87 medios, e 122 membros de AICE.
