Estrela de Marín mobiliza 2.484 euros na campaña «Festas con Estrela»

Xa se coñece á gañadora da campaña “Festas con Estrela”, acción de
dinamización que se puxo en marcha do 13 ao 18 deste mes, a través da
cal os clientes, podían rexistrar na web “Comercio de Marín” os seus tickets
de compra, optando deste xeito a gañar a tarxeta regalo de 50€ que se
sorteaba.

A gañadora foi Verónica Ucha Carmuega, por unha compra efectuada en
Espazo Lector Nobel. Verónica, xa dispón dos 50€ na súa tarxeta de fidelización de “Comercio de Marín”, que neste caso deberá gastar no citado establecemento.

A seguinte acción de dinamización comercial, será unha nova edición do
“Stock Marín”, que se levará a cabo do 31 de xullo ao 2 de agosto.