O concelleiro de Urbanismo, Manuel Santos, anunciou que se ven de solicitar ao Fondo de Cooperación para as entidades locais a subvención que ofrece este ente para a redacción do Plan Especial de Protección para o casco antigo e para Cantodarea, dúas zonas da nosa vila que, polas súas particularidades, requiren dun especial tratamento a nivel urbanístico para garantir a conservación da súa esencia e do patrimonio.
Tal e como explica Santos, “no PXOM xa se recolle a necesidade de crear este plan especial para estas dúas zonas, co obxectivo de marcar as directrices urbanísticas que permitan desenvolver proxectos nelas”. Xa que, ata o momento, nestes espazos só está permitido conservar e manter o que xa está construído.
Axuda por 302.500 euros
Para poder elaboralo, solicitarase esta axuda por 302.500 euros (IVE incluido). A duración estimada é de dous anos.
A redacción vaise realizando parcela a parcela. O obxectivo final, tal e como indicou o edil, “é poder seguir desenvolvendo urbanísticamente Marín pero sen perder o foco da nosa arquitectura e fisionomía e respectando a tradición urbanística do espazo histórico e dun barrio tan tradicional e mariñeiro como é
Cantodarea”.
