A Federación Galega de Municipios e Provincias (FEGAMP) celebrou a terceira xuntanza da mesa de traballo para a elaboración dun protocolo de seguridade para o persoal do Servicio de Axuda no Fogar (SAF), na que as persoas representantes do Instituto de Seguridade e Saúde Laboral de Galicia (ISSGA) da Xunta de Galicia presentaron unha nova versión revisada da proposta de protocolo.
Os traballos da reunión se desenvolveron en torno a este segundo borrador elaborado polo ISSGA, despois de que todas as organizacións e institucións participantes argumentaran e contextualizaran as súas achegas e os respectivos enfoques sobre a situación da seguridade das traballadoras do SAF.
A reunión contou coa participación de representacións da Inspección de Servizos Sociais da Consellería de Política Social e do ISSGA, da Delegación do Goberno, ademais das representacións das asociacións empresariais do sector (AGESAF e ASADE), das organizacións sindicais máis representativas (CCOO, CIG, CSIF e UGT) e do Colexio Oficial do Traballo Social de Galicia.
Pola banda da FEGAMP participou unha delegación encabezada polo seu presidente, Alberto Varela, acompañado polo vicepresidente primeiro e alcalde de Poio, Ángel Moldes; o vicepresidente segundo e alcalde de San Sadurniño, Secundino García, e a vicepresidenta executiva e alcaldesa de Betanzos, María Barral.
Debate e consenso
Debateuse sobre o borrador do protocolo, avanzando sobre os contidos relativos aos seus obxectivos, e sobre as obrigas e as respectivas funcións na prestación do SAF vencelladas coa prevención de riscos laborais, considerand
Despois de catro horas, os traballos da reunión remataron co tratamento dos efectos da violencia sobre a saúde e as medidas de prevención necesarias.
Ao remate da reunión, o presidente da FEGAMP sinalou que “a pesares da complexidade do asunto e da realidade do SAF, nesta mesa estamos a traballar de xeito construtivo e plural, amosando todas as partes participantes o seu compromiso e colaboración para acadar consensos nos contidos do protocolo e para reclamar os cambios normativos que permitan ao protocolo ser útil nas súas funcións”.
Durante este mes de febreiro terá lugar unha nova reunión para seguir acordando o documento para que conte co maior consenso posible.
