O concelleiro de Medio Rural, Pablo Novas, informou que xa está aberto o prazo para solicitar as licenzas para abrir os furanchos en Marín. Algunhas das iniciativas xa inauguraron a tempada como o Chámpalle unha Gaseosa e o de Víctor. Ambos estarán abertos durante todo este mes.
Na vila, os furanchos poderán abrir desde xa e ata o 30 de xuño, “tendo en conta que cada un non poderá exceder máis de 3 meses aberto para vender os seus excedentes de viño”, recordou Novas.
Ademais, o concelleiro lembra que no caso de que algún aínda teña excedentes pasado o prazo da tempada, poderáselle conceder unha prórroga ata o mes de xullo, pero sen superar en ningún caso os tres meses máximos de apertura total.
Os primeiros
A ordenanza municipal permite servir un máximo de cinco tapas a elixir entre orella/chourizo, tortilla, zorza/raxo, empanada, callos ou costela.
Como todos os anos, aqueles furanchos que queiran abrir deben solicitar a correspondente licenza ao Concello, que será o encargado de darlle luz verde e que así poidan abrir a súa actividade ao público.
E o caso de Chámpalle unha Gaseosa, un furancho que se atopa na zona de Cernello e onde atoparás viño branco da casa e tapas como orella, tortilla, raxo, carne richada, tortilla etc. Tamén xa se atopa aberto o furancho de Víctor no Castro, coas súas ofertas de viño e peixes.
Entre as opcións permitidas atópanse a orella ou o chourizo, a tortilla de patacas, a zorza ou o raxo, a empanada, e finalmente os callos ou a costela. Esta selección busca poñer en valor o produto caseiro e local sen competir directamente co sector da restauración, mantendo o carácter humilde e tradicional que define á cultura do furancho.
