Os concelleiros Marián Sanmartín e Pablo Novas recibiron este vehículo multiservicio, adquirido grazas a unha subvención do Fondo de Compensación Ambiental da Xunta de Galicia.
A brigada municipal de obras contará desde hoxe cun novo vehículo multiservicio novo, análogo aos que xa tiñan na frota municipal, para seguir prestando coa maior das calidades os traballos de mantemento que se realizan no espazo municipal.
Os concelleiros Pablo Novas e Marián Sanmartín recibiron xunto co encargado da brigada este novo suministro, que se acadou grazas a unha subvención do Fondo de Compensación Ambiental por importe de 34.485 euros, estando cofinanciado o 85%.
O vehículo terá unha garantía de 3 anos e axudará a modernizar a maquinaria desta brigada, que ten un intenso uso debido a todas as necesidades que existen día a día neste sentido.
