O BNG lamenta a negativa do PP para crear unha comisión de partidos pola vertedura de plásticos. Lucía Santos califica a postura do PP de lamentábel e indica que “María Ramallo está sendo irrespetuosa coa corporación municipal, xa que por unha banda dí quedar á nosa disposición mais despois néganos o dereito a manter unha xuntanza informativa”.
O pasado mércores día 10, a alcaldesa de Marín, María Ramallo, informou aos grupos da corporación municipal da chegada de granulado ás praias de Lapamán e A Coviña, polo que a voceira do BNG, Lucía Santos, solicitou unha xuntanza de portavoces no Pleno Municipal para ter información de como se está coordinando a retirada de “granulado” dos areiais e en que consiste o protocolo de actuación.
Falta de transparencia
Debido á resposta recibida, Lucía Santos lamenta que a alcaldesa se negue a manter unha xuntanza de portavoces, dando novamente unha mostra de falta total e absoluta de transparencia, ao que inevitábelmente xa nos ten acostumadas o goberno do PP. María Ramallo limitouse a dar información no remate do pleno municipal celebrado onte, xoves 13, negando aos grupos da corporación municipal poder facer algunha pregunta sobre o tema.
Neste sentido, o concello asegurou que «efectivos da brigada de Limpeza do Concello e persoal de Protección Civil informan, despois de realizar a ronda de vixilancia por todas as praias de Marín establecida no protocolo de actuación municipal, que non se atoparon pellets en ningún dos areais. Tampouco na Coviña, que onte quedou limpa de residuos».
Voluntarios
Desde o concello anímase aos voluntarios para participar para a limpeza, «esta boa nova non supón que se vaian a deixar de realizar estas labores de vixilancia. Ademais, o Concello mantén activo todo o seu protocolo por se ao longo da fin de semana esta situación cambia e é preciso activar as brigadas de limpeza e recollida de pellets. Se queres apuntarte para realizar voluntariado no caso de que sexa preciso facer limpezas, manda un mail alcaldia@concellodemarin.es indicando nome e teléfono de contacto«.
Lucía Santos califica a postura do PP de lamentábel e indica que “María Ramallo está sendo irrespetuosa coa corporación municipal, xa que por unha banda dí quedar á nosa disposición mais despois néganos o dereito a manter unha xuntanza informativa, e o que é mais grave, néganos a oportunidade de poder facer preguntas ante unha situación tan preocupante».
egundo a información trasladada pola alcaldesa, non se sabe en que consiste o protocolo de actuación nin se Marín ten un plan de emerxencia, no caso de chegada de máis “granulado” aos areais do noso concello. O BNG insiste na necesidade de convocar unha xuntanza de portavoces para ter a información demandada e poder traballar man a man como procede nesta situación de emerxencia.
