O Bloque Nacionalista Galego (BNG) expresou a súa preocupación polo estado lamentable no que se atopan numerosos puntos de contedores de lixo na nosa localidade, debido á falta de limpeza por parte da empresa encargada do servizo de recollida de residuos.
Lucía Santos, voceira municipal do BNG, informou á comisión informativa de rural sobre as constantes queixas da veciñanza de varias parroquias. Estas queixas refírense ao estado inadecuado dos contedores de lixo e das zonas circundantes, que se caracterizan por olores desagradables e falta de limpeza debido á neglixencia no seu mantemento. Ademais, a acumulación de residuos xunto aos contedores durante varios días agrava a situación.
As parroquias
En resposta a estas preocupacións, a voceira municipal solicitou ao goberno local a implementación dunha nova campaña de concienciación para abordar esta problemática e previr a súa persistencia.
O BNG fai un chamamento ao goberno do Partido Popular (PP) para que tome as medidas necesarias que eviten a proliferación do estado de sucidade e abandono que se presenta en numerosos puntos de todas as parroquias da nosa vila. Non se pode tolerar esta situación de abandono e require acción inmediata por parte do goberno local.
