As hortas urbanas do Sequelo son unha alternativa de ocio saudable para aqueles veciños que se interesan pola agricultura tradicional e ecolóxica, actividade que ven dando os seu fruto dende o ano 2012 na zona posterior do pavillón do Sequelo, con gran éxito entre a poboación.
Están concebidas como un sistema que permite o cultivo individual de pequenas parcelas de terra de forma tradicional mediante o emprego de técnicas de cultivo ecolóxico. Existen 71 parcelas, que se sortean cada catro anos.
Productos de tempada
Agora, o Concello traballa para revitalizalas e ofrecer novas actividades e proxectos ás persoas usuarias das mesmas. “O obxectivo é escoitar que cousas poden ser máis interesantes para sacarlle partido ás hortas, que novas técnicas podemos achegar ou tips e consellos que poidan ser beneficiosos”, explican fontes municipais.
Para iso, contarase coa participación de Aitor Jamardo, fundador do proxecto Cultivo Gallego, centrado na produción de productos de tempada, seguindo o ciclon atural das estacións, utilizando o cultivo biointensivo.
Reunión 19 de febreiro
O experto será o encargado de dirixir unha reunión participativa á que están chamadas todas as persoas usuarias das hortas, así como outras persoas interesadas neste campo, para poder aportar ideas e coñecer máis de preto esta técnica de cultivo e que actividades poden ser plantexadas ao longo do ano en torno a esta temática.
A reunión será o próximo xoves 19 de febreiro, ás 11.00 horas, nas hortas urbanas, aínda que a localización pode cambiar en función da previsión meterolóxica. Non é preciso inscrición previa.
