O desfile partirá dende San Blas ata a Alameda de Seixo, nun percorrido no que veciñanza e visitantes acompañarán á singular chirica, “santo animal salvador de lombos e espinhaços”. Un símbolo propio desta festa cunha profunda e única identidade.
Charanga Noroeste
A música correrá a cargo da Charanga Noroeste, que marcará o ritmo dun desfile pensado para encher as rúas de cor, disfraces e bo ambiente e que logo animará a festa na Alameda.
Durante a celebración tamén se servirán filloas elaboradas por Confitería Capricho, achegando o sabor máis tradicional do Entroido galego a unha tarde solleira. As previsións meteorolóxicas apuntan a bo tempo, o que permitirá desfrutar da xornada ao aire libre.
A organización anima aos veciños a participar activamente, acudindo disfrazados de vascalleiro ao xeito máis tradicional, compartindo o espírito irreverente e festivo que define o Entroido.
O evento está organizado polo Grupo Cultural “Ronsel”, entidade comprometida coa conservación e promoción das tradicións locais, e conta coa colaboración do Concello de Marín. Seixo prepárase, unha vez máis, para vivir o Entroido mais auténtico, participativo e respetuoso coas súas raíces.
