A cadea de borrascas que está afectando á nosa comunidade parece que non nos abandonará de cara á próxima fin de semana, data inicialmente prevista para a celebración do Stock Marín, a feira de saldos do comercio local que permite dar saída ao stock existente, cancélase.
Dada a situación climatolóxica, pode ser un risco instalar unha carpa na Alameda, ademais da pouca mobilización de clientela que se pode conseguir, tanto de Marín como de arredores, cun tempo tan malo.
Campaña de dinamización alternativa
Así o analizaron a concelleira de Comercio, Cristina Acuña, e o xerente de Estrela de Marín, Yonathan Carreira. Nese caso, plantexarase unha campaña de dinamización comercial alternativa, en forma de bonos para os consumidores no comercio local, sendo conscientes da necesidade actual que ten o sector de incentivar as ventas, nun mes que xa de por sí é difícil e que se ve tamén afectado polo mal tempo.
«O obxectivo será sacar adiante outra campaña de dinamización comercial proximamente e poder focalizar esforzos tamén na campaña de sorteo de tarxetas que se realizará polo Día da Nai», explican desde O Concello.
