O Plan Territorial de Continxencias por Contaminación Mariña Accidental de Galicia (Plan Camgal) constitúe o instrumento mediante o que a Xunta de Galicia determina o protocolo de actuación dos distintos departamentos da Comunidade Autónoma que teñen competencia directa nas actuacións do mesmo, así como a actuación ou participación que a outras administracións lles corresponde neste tipo de sucesos. O Plan Camgal intégrase ademais na resposta establecida pola Administración Estatal segundo se recolle no Sistema Nacional de Resposta.
As numerosas actividades antropoxénicas asociadas ao litoral de Galicia xunto cun intenso tráfico marítimo nas súas costas, supoñen un risco potencial de contaminación das zonas costeiras, polo que o obxectivo fundamental do Plan Camgal é obter a máxima protección para as persoas, medio ambiente e os bens que resulten ou poidan resultar afectados en calquera continxencia derivada dun episodio de contaminación mariña accidental.
Obxectivos
«O obxectivo do Plan Camgal é obter a máxima protección para as persoas, medio ambiente e os bens afectados por un episodio de contaminación mariña accidental»
