Losada, que estivo acompañado da xefa provincial de Tráfico, Paula Yubero, e a dirección do centro, explicou ao alumnado a importancia de respectar as normas e actuar sempre con prudencia cando se está na estrada, tanto como usuario dun vehículo, como peón.
O subdelegado felicitou á DGT por ter traído esta actividade á provincia de Pontevedra e anunciou que os próximos 11 e 12 a actividade pasará polo CIFP Valentín Paz Andrade de Vigo e o próximo día 13 polo IES Mestre Landín, tamén en Marín.
Conductas PAS
A trama deste “Escape room” desenvólvese a partir dun accidente de tráfico cunha ciclista atropelada e interveñen os catro grupos de rescate: Garda Civil, sanitarios, bombeiros e persoal civil.
A “hora de ouro” comprende o intervalo de tempo dende o accidente ata os 60 minutos inmediatamente posteriores. Un período clave, dado que unha intervención rápida e eficiente pode supor a diferencia entre a vida e a morte.
Este é o tempo do que dispoñen os grupos participantes para resolver o enigma e salvar a vida dunha persoa.
En grupos de entre 16 e 32 persoas o alumnado debe desenvolver condutas PAS (protexer, avisar, socorrer) e, finalmente, participarán nunha sesión para poñer os datos recollidos en valor e facer unha avaliación.
Ademais, a DGT dispón dunha modalidade online do “Escape Room”, que está ao dispor de tódolos centros educativos.
Gamificación e aprendizaxe
O escape room é un concepto actual na educación. A innovación en técnicas e metodoloxías educativas, tal como a aprendizaxe experimental, combínanse coas técnicas tradicionais de aprendizaxe para chegar ao mismoobjetivo: motivar para ensinar, dunha forma divertida e interactiva.
Trátase dun proxecto de gamificación baseada nunha experiencia narrativa na que os estudantes desenvolven un proceso reflexivo na consecución e resolución dun enigma seguindo pistas .
Por outra banda, poñen en xogo as súas habilidades cognitivas e relacionales (traballo en equipo, creatividade e capacidade de liderado) cunha finalidade: ser conscientes dos riscos na estrada, os factores que inflúen, a importancia de adoptar medidas e actitudes de prevención, e as consecuencias derivadas.
