A nova normativa, pioneira a nivel estatal, prohibe a venda e o consumo de bebidas enerxéticas e cigarros electrónicos a menores de idade, equiparándoos ao tabaco e ao alcol en canto a restricións.
Esto terá impacto directo tamén en Marín, tanto nos establecementos comerciais como nos espazos públicos. A lei baséase na evidencia científica e nos datos da enquisa estatal Estudes 2025, que sinala que máis do 41 % da poboación adolescente entre 14 e 18 anos probou algunha vez os vapeadores. Esto é unha incidencia superior á do consumo de tabaco nesta franxa de idade.
Riscos na saúde
A nova lei prohibe igualmente o consumo de cigarros electrónicos entre menores, ao conter substancias tóxicas mesmo cando non levan nicotina. Ademais, amplíase a prohibición de fumar nos accesos a centros educativos, sanitarios e da administración pública, incluíndo un radio de 50 metros Tamén nas marquesiñas de transporte público e nas piscinas de uso público, espazos habituais tamén no municipio.
No caso das bebidas enerxéticas, a Xunta alerta dos riscos asociados ao seu elevado contido en cafeína e outros estimulantes. Esto poden provocar alteracións do sono, problemas de comportamento e trastornos cardiovasculares en menores.
Galicia convértese así na primeira comunidade autónoma en aplicar esta prohibición, seguindo a senda doutros países europeos. Os establecementos deberán, ademais, situar estes produtos en espazos diferenciados dos refrescos para reforzar a concienciación social.
